ـ تجلس مع زوجها في مقهى وتحط طفلهم الرضيع قريب منه، تشتري قهوة وتشرب شوية معاه، يبدأ ينشغل في جواله وتقوم تتسوق وتخليه مشغول ومتحمس.
تعلموا يا بنات منها: ابسيطه و اشغليه واسحبي عليه :D
ـ ليش ما يبدأ تطبيق الإبرة التي لا تحتوي على طرف معدني؟ :(
ـ حصل إني تمنيت في يوم، ودارت الأيام ودارت ودارت وأمنيتي ذابلة رمادية مافيها حياة، لحد أمس وقبله ربي أرسل لي اللي تحكي لي حكاية فيها نفس أمنيتي أو بالأصح حلمي، حكاية واقعية حقيقية حصلت معاها وعاشت أحداثها.
أقدر أقول إن ربي أرسلها لي تمهيد يشق الطريق لحلمي كي يتحقق؟
على العموم مافي شي بعيد على ربي :)
ـ نهى خلصت سادس ابتدائي :)
مرت السنوات سريييييعة، لسا أفتكر يوم ولادتها وكأنه أمس، لسا أفتكر لما أمي طلعت المستشفى وعيوني كلها دموع، لا أنا اللي أقدر أروح معاها عشان قلبي يتطمن ولا أنا أقدر أخلي أخواني في البيت لحالهم
لسا أفتكر لما كملني الدكتور وقال يا نرمين أمك جابت لك أخت وهي بخير
لسا أفتكر لما كنت أرضعها وأروشها وأعتني فيها وألعب معاها، أمي تركت لي تربيتها لأنها جات بعد وفاة الوالد الله يرحمه بشهرين وعشرة أيام
لسا أفتكر أول ما نطقت "أمي" وجات تقولها لي وأمي زعلت منها :D
مستحيل كنت أنام في غرفتي إلا ولازم تجيب مخدتها وتحطها على سريري وتقول ننام مع بعض
وللأسف هي تنام وتطيرني على الطرف وطول الوقت تلعب مصارعة ويا قلب لا تحزن :(
وكانت تحب تحكي لي عن حياتها لما كانت بسّة "قطة" وواحد من أخواني في بطنها وهي مشردة في الشوارع
كانت تحكي بألم عن معاناتها وهروبها تحت السيارات والبرد اللي تواجهه ههههههههههه
كانت تتمنى تكبر وتصير عسكري معاه سيارة مطرحة وتلبس فستان مطرز ههههههه
جربت تجارب عديدة في تربيتها ونجحت الحمد لله
جربت عليها تعليمها لغتين في وقت واحد، صحيح ما كان تعليم الانجليزي مكثف لكنها تجني النتايج الآن الحمد لله
جربت أغرس فيها حب القراءة والحمد لله نجحت وصارت قارئة بفضل الله وتقول تعالوا نتناقش نقاشات منطقية وتعلمت تتفلسف :D
وتلوموني ليش شعري شاب؟!!
دارت الدنيا بسرعة وكبرت نهى وصارت عروسة الله يحفظها ويبارك فيها
مممممممممممم
أتوقع كفاية كلام فاضي صح؟
طيب صباحكم خير كلكم :)
..
حكياتك منعشه وسعيده ؛)
ردحذفاعجبني مبدأ الزوجة أم قهوه .. بس يبي له فطنه وذكاء وكمية لا بأس بها من الدهاء D:
،،
بالله سلمي لي على نهى وبوسيها عني وباركي لها
مممم حاسه ان اكثر شي راح تشكرين نفسك عليه هو تربيتك لها
مافي اجمل من انك تشوفين ثمرة تعبك تكبر وتنضج اكثر قدام عيونك
ماادري وش دخلني بس كذا حسيت بفخر هههههههه :$
،،
عندي يقين بالله قوي جداً بأن امانيك كلها راح تتحقق
وقتها تعالي ابسطيني معك مو انا جالسه ادعي لك ؟ <--- تمن الاخت D:
زودي جرعة الكلام الفاضي الله لا يهينك ♥♥
يسعد قلبك يا عسل ❤
حذفوفعلاً شعور جميل وأنا أشوفها تكبر كل يوم وتكمل اللي بدأناه وهي صغيرة.. الحمد لله
إن شاء الله توصل التهاني والتبريكات وما يتبعها :D
بإذن الله يتحقق مافيه الخير.. الله كريم..
ومن غير منة أشوف هههههه
ردك هذا يجبرني على إكمال الثرثرة وعدم التوقف .. شكراً كثيييييراً :$